नेपालको राजधानी भन्दा धेरै पर तराई भूभागको एक सुन्दर बस्ती अर्थात् गाउँ, सर्लाहीमा जन्मेका दिनेश घिसीङ्ग हाल सिङघम क्लबका मुख्य खेलाडीका रुपमा अगाडी आएका छन्। घिसीङ्गले यस पूर्व धेरै पटक आफ्नो धेरै टुर्नामेन्ट र म्याचहरुमा आफ्नो कौसलता प्रदशन गरि थुप्रै मनहरु जितिसकेका छन्। घिसीङ्गले थुप्रै टुर्नामेन्टमा म्यान अफ द म्याच भैसकेका छन्। भर्खरै मात्र फुटबल मार्फत निकै चर्चा कमाएको सिङघम युवा क्लबका अधक्ष्य तथा टिम लिडर सिङघम लामा भन्नु हुन्छ, "हामीले अहिले पाएको सम्मान र चर्चा दिनेश घिसीङ्ग बिना सम्भब थिएन, उसकै अत्भुत प्रदशन र मेहेनतका कारण हाम्रो टिमले सुरुवातमै ख्याति पाउन सफल भयो।"
हाम्रा रिपोटर विल्सन प्रताप रानाले सिङघम युवा क्लबका कप्तान असोक लामालाई घिसीङ्गको खेलको बारेमा सोध्दा यस्तो धारणा राखे, "म उसंग सानै देखि परिचित छु। उ खेल भनेपछि हुरुक्कै हुन्त्यो, उसको खेल हेर्न गाउँलेहरु मैदानमा भेला हुने गर्थे। हुर्किदै गर्दा उसलाई खेल्नका निमित्त टाढा टाढाबाट थुप्रै जिल्ला स्थरिय टिमहरुले बोलाउने गर्थे र सफलता पनि हात पार्थे। हाम्रो सानो गाउँलाई आफ्नो खेल मार्फत चिनाउथ्यो। अहिले पनि हाम्रा गाउँका खेल्दैगरेका सासाना भाइबहिनिले घिसीङ्गलाई प्रेरणाका रुपमा मान्ने गर्छन।"
१२ वर्षको कलिलो उमेर देखिनै विभिन्न खेलहरुमा सहभागी हुदै बिगत १५ बर्सदेखी योगदान दिदै लामो अन्तरकाल बितिसकेका घिसीङ्ग फुटबलमा मात्र नभएर टेकवानदोमा निकै सबल खेलाडीका रुपमा स्थापित छन्। ब्ल्याक बेल्ट पाइसकेका घिसीङ्गले आफ्नो मुख्य पेसा खेलनै बनाएका छन् साथै अहिले पनि विभिन्न खेलहरुमा सहभागी हुदै आफ्नो मात्र नभएर आफ्नो गाउँ ठाउँलाई पनि थुप्रै ठाउँमा चिनाइसकेका छन्।
Comments
Post a Comment